Citation:
1997. “Catullus 5, read in Latin by Richard J. Tarrant.” Cambridge, MA: Department of the Classics, Harvard University.
Full Text
Vivamus, mea Lesbia, atque amemus,
rumoresque senum severiorum
omnes unius aestimemus assis!
soles occidere et redire possunt:
nobis cum semel occidit brevis lux, 5
nox est perpetua una dormienda.
da mi basia mille, deinde centum,
dein mille altera, dein secunda centum,
deinde usque altera mille, deinde centum.
dein, cum milia multa fecerimus, 10
conturbabimus illa, ne sciamus,
aut ne quis malus inuidere possit,
cum tantum sciat esse basiorum.
Related content
Recorded: February 20, 1997, in the class "The Rome of Augustus." Lowell Hall, Harvard University
See also: Latin poetry